گواستنەوەی قوربانی 

......

گواستنەوەی قوربانی ، دوو جۆرە : 

یەکەم : « ناردنی پارە لە ڕێگای ڕێکخراو و کەسانی دیکەوە بۆ ئەوەی ئاژەڵی پێ بکڕدرێت و قوربانی پێ ئەنجام بدرێت » . 

دووەم : « گواستنەوەی گۆشتی قوربانی دوای سەربڕینی لێرە و جێ بەجێ کردنی سوونەتەکانی قوربانی و زیندوو کردنەوەی دروشمەکە لێرە » . 

ئەوە ئێمە مەبەستمەنە و لە ڕۆژگاری ئەمڕۆدا زیاتر بوونی هەیە بریتیە لە جۆری یەکەم بۆیە ئێمەش باسی ئەوە دەکەین . 

 گواستنەوەی قوربانی لە وڵاتێکەوە بۆ وڵاتێکی دیکە جێگای ڕاجیایی زانایانە . 

« زۆرینە یان زۆرینەی ڕەها » لەگەڵ ئەوەن قوربانی لە شوێنی فەرزبوونی ئەنجام بدرێت چونکە کۆمەڵێک سوود و قازانجی گەورەی تێدایە ، لەوانەش : 

١- زیندووکردنەوەی دروشمی قوربانی لە وڵاتی خۆی . 

٢-خواردن لە گۆشتی قوربانی . 

٣- سەربڕینی قوربانی بەدەستی خۆی . 

٤- هێنانی ناوی خوای گەورە لەسەری . 

بێگومان ئەگەر لەسەر ئەو بۆچوونەش بین کە ڕێگایی پێدەدەن، کۆمەڵێک مەرجی دەوێت:

یەکەم: خۆدزینەوە نەبێت لە گرانی نرخی نێوان وڵاتی یەکەم و دووەم . 

دووەم: پێویستیەک موسڵمانان لە وڵاتی یەکەم زیاتر نەبێت لە وڵاتی دووەم کە قوربانییەکەی بۆ دەگوازرێتەوە . 

سێیەم: بەڕێژەیەک نەبێت دروشمی قوربانی کردن لە وڵاتی یەکەم لەناو ببات و نەمێنێت . 

چوارەم : ئەو لایەنەی دەکرێت بە وەکیل جێگای متمانە بێت . 

والله أعلم

زانا سليم کەلاری