مەترسی کەناڵە ڕاگەیاندنەکان لەسەر بیروباوەڕ و ڕەوشت و کلتوری کومەڵگاکان

مەترسی کەناڵە ڕاگەیاندنەکان لەسەر بیروباوەڕ و ڕەوشت و کلتوری کومەڵگاکان 

.....
الحمد لله والصلاة والسلام علی رسول الله ، ٲما بعد :
بەڕاستی کەناڵەکانی ڕاگەیاندن مەترسی زۆریان لەسەر کۆمەڵگا هەیە ، وە مەترسیەکانیش زۆر زۆرن بەڵام بەکورتی ترسناکترین مەترسیان بریتیە لە ئەمانەی خوارەوە :

یەکەم :: هەوڵی سەرەکی و هەمیشەییان تێکدانی بیروباوەڕی موسڵمانان .

هەر بۆیە بۆ ئەم ئامانجە بۆگەنە ترسناکەیان چەندین ڕێگا دەگرنە بەر لەوانە :

１-   هێنانی کەسانی کافر و بێ دینی ڕوون بۆ ئەوەی کوفرو بێدینی بڵاو بکەنەوە وەکو بانگەشەی عەلمانیەت و سەقافەی غەربی و تانە و تەشەر دان لە ئیسلام

２-   هێنانی کەسانی زەندیق و مونافیق بۆ ئەوەی هەر بەناوی ئیسلامەوە گومان لەسەر دینی موسڵمانان دروست بکەم . وەکو بانگەشەکان بۆ گومان دروست کردن لەسەر سوابت و شتە جێگیرەکانی موسڵمانان. 

３-   هێنانی کەسانی بیدعەچی و گومڕا بوو لە ڕاستە ڕێیی ئیسلامەتی بۆ ئەوەی ئەگەر نەتوانن لە ئیسلام خەڵکی لابدەن بە گشتی ئەوا هیچ نەبێت لە ڕێبازە جوان و ڕێککەی پێغەمبەری خوا لای بدەن . وەکو ئەو هەوڵانەی هەیە بۆ بڵاو کردنەوەی خورافەت و بیدعە و هەوڵدان بۆ ناشرین کردنی ڕێبازە جوانەکەی پێغەمبەر خوا صلی الله علیە وسلم .

دووەم : هەوڵێ تێکدانی ڕەوشت و ئادابی موسڵمانان .

وەکو ئەو هەموو هەوڵەی دەبینرێت لە زیادکردنی کەناڵە بێ ڕەوشتیەکان ئەگەر بەناوی دراما و زنجیرەی ئایننشەوە بێت .

سێیەم :: هەوڵی تێکدانی کلتوور و ئادابە جوانەکانی کۆمەڵگای کوردەوەری .

یەکێک لەئامانجەکانیان کە هەوڵی بۆ دەدەن بریتیە لە تێکدانی کلتور و ئادابەجوانەکانی کۆمەڵگای کوردەواری کە لەگەڵ ئیسلام یەک دەگرێتەوە و ئیسلام جێگیری ئەکات ، بۆ ئەوەی بڵێن ئیسلام لەگەڵ کلتووری ئێمە ناگونجێت .

ئەمەش لە ڕێگای وەرگێڕان و دوبلاج کردنی ئەو زنجیرانەی کە کلتوور و نەریتی گەلانی دیکە لە خۆ دەگرێت و بەئامانجەوە ڕێکخراوە ، ئەم کەناڵە بۆگەنانەی ئێمەش وەری دەگێڕن و دوبلاجی دەکەن .

بۆیە پێویستە لەسەرمان هەریەکە و لەلای خۆیەوە بە ئەرکی سەرشانی هەڵبستێت و مووسڵمانان ئاگادار بکاتەوە لە ترسناکی ئەم ڕاگەیاندنانە و ڕووی ڕاستیان بۆ خەڵکی دەربخات .

داوکارم لە پەروەردگار موسڵمانان بپارێزێت لەشەڕ و خراپە وگومانی ئەم کەناڵە بۆگەنانە .
وصلی الله وسلم علی نبینا محمد وعلی آلە وصحبه وسلم

زانا سلیم كەلاری
۲٦ ی ڕەمەزانی ۱٤۳۹ کۆچی