سوتاندنی بەروبوومی کشتوکاڵی جوتیاران

سوتاندنی بەروبوومی کشتوکاڵی جوتیاران . 

.................

الحمد لله والصلاة والسلام على رسول الله ، أما بعد :
ئەمرۆ لەکاتی گەڕانەوەدا لە وتاری هەینی بینمان ئاگرێکی گەورە هەیە لە نیوان گوندی سەید خەلیل و کەلار دواجار بۆمان دەرکەوت ئەم ئاگرە هی سوتاندنی ڕەنجی یەک ساڵی جوتیارانە .

بەڕاستی ئەم کارە کاریکی حەرام و نادروستە چونکە :

１-                       پەروەردگار دەفەرمووێت : (( وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ )) [ إبراهيم:42 ].واتا : وا هەست نەکەن کە پەروەردگار بێ ئاگایە لەوەی کە کەسانی ستەمکار ئەنجامی دەدەن ، چونکە بەڕاستی هەڵی گرتوون بۆ ڕۆژێک کە چاو تێیدا ئەبڵەق دەبێت . 

２-                       پێغەمبەری خوا صلى الله علیه وسلم دەفەرمووێت : ((المسلم من سلِم المسلمون من لسانه ويده ))^([1]) واتا : موسلمانی تەواو ئەو کەسەیە کە موسڵمانان سەلامەت بن لە دەست و زمانی .

３-                       وەهەروەها پێغەمبەری خوا صلى الله علیه وسلم دەفەرمووێت : «لا ضرر، ولا ضرار»^([2]) واتا : نابێت مرۆزڤ زیان بە خەلکی بگەیەنێت جا قازانجی خۆی تێدا بیت ئەو زیان گەیاندنە یان نا . 

４-                       پێغەمبەری خوا صلى الله علیه وسلم دەفەرمووێت : « مَنْ ضَارَّ ، ضَارَّ اللَّهُ بِهِ» ^([3]) واتا : هەرکەسێک زیان بە بگەیەنێت ئەوا خوای پەوەردگار لەپاداشتی ئەوەدا زیانی پێئەگەینێت. 

５-                       پێغەمبەری خوا صلى الله علیه وسلم دەفەرمووێت : « إِنَّ دِمَاءَكُمْ وَأَمْوَالَكُمْ حَرَامٌ عَلَيْكُمْ » ^([4]) واتا : بەڕاستی خوێنتان و ماڵتان لەسەر یەکتری حەرامە .

وەهەروەها ئەم کارە چەندین زیان و دەرننجامی ترسناکی هەیە لەوانەش :

1-    زیان گەیاندن بە جوتیاران و لە دەستدانی رەنجی ساڵێکیان . 

2-    زیان گەیاندن بەبازار و دروست کردنی گرانی ئەو جۆرە بەروبوومانە . 

3-    لەناو بردنی چەندین جۆری ئاژەڵ کە لە ناو ئەو دەإڵ و دانانەدا دەژین . 

4-    لەناو بردنی پووش پەلاش و جارەکان دەبێتە هۆی ئەوەی ئاژەڵان هیچیان دەست نەکەوێت بیخۆن . 

5-    دوورخستنەوەی خەڵکی لە بەخیو کردنی ئاژەڵ چوونکە ئەگەر زەویەک نەبیت ئاژەڵی تێدا بلوەڕێنرێت چی بدرێت بە ئاژەڵان . 

6-    دوور خستنەوەی خەڵکی لە کشتوکاڵ کردن چونکە خەلکی ئەمین نیە لەوەی ئایا زەراعەتەکەی دەسوتینرێت یان نا ؟ ئایا رەنجبەخەسار نابێت . 

7-    زیانگەیاندنە بە ژینگەی و تێکدانیەتی .

بۆیە ئەمە کارێکی ناشرین و قێزەونە و خوای پەوەردگار فەساد و خراپەکاری پێ خۆش نیە لەسەر زەویدا .

خوای پەوەردگار رەحم بە هەموو لایەک بکات

زانا سليم كەلاری

هەینی

(4-شەوالی -١٤٤٠ ) بەرامبەر بە ( ٧-٦-٢٠١٩)

---

([1]) متفق عليه .

([2]) روَاهُ ابْنُ مَاجَهْ( 2341) و صححه الألباني في إرواء الغليل (888)، والسلسلة الصحيحة (250).

([3]) رواه أبو داود (3635) ، والترمذي (1940) وحسنه الألبانی.

([4])صحيح مسلم (1218).