چۆن میوانە بەڕیزەکە بەڕی بکەین ؟

چۆن میوانە بەڕیزەکە بەڕی بکەین ؟ 

.........................
الحمد لله والصلاة والسلام علی رسول الله ، أما بعد : 

بەڕاستی مانگی رمضان مانگی لێخۆشبوونی پەروەردگارە بۆیە دەبێت هەموو هەوڵ و ماندووبوونی خۆمان بەگڕ بخەین بۆ دەست خستنی رەزامەندی پەروەردگار لەم مانگە پیرۆزەدا ئەویش بەوەی کە :

یەکەم : عیبادەتی پەروەردگارمان بکەین . 

پێویستە لەسەرمان هەلە گرنگ و بەنرخەکانی ئەم مانگە پیرۆزە لەدەست خۆمان نەدەین :

ئەمەش بە لەبەر چاو گرتنی گرنگی : 

1-    ڕووژوو گرتن بۆ پەوەردگار چونکە دەرفەتیکی یەکجار مەزن و گەورەیە لەم مانگەدا . 

2-    ئەنجامدانی نوێژی تەراویح بە جەماعەت . 

3-    گرنگی دانی زۆر بە خوێندنەوەی قورئانی پیرۆز ، چونکە ڕمضان مانگی قورئانە . 

4-    ئاوەڕدانەوە لە فەقیر و هەژاران بە دەستەبەر کردنی بەربانگ و خواردن بۆیان

5-    ئەنجامدانی عەمرە و سەردانی ماڵی خوای پەوەردگار بۆ هەرکەسێک کە توانای هەبێت چونکە ئەجرو پاداشتیکی جیاوازتری هەیە لە مانگەکانی دیکە . 

6-    تەوبە کردن و گەڕانەوە بۆلای پەروەدگار چونکە پەروەردگار لەهەموو شەوەکانی ئەم مانگەدا خەڵکی لە ئاگر ڕزگار دەکات . 

دووەم : خۆمان بەدوور بگرین لە سەرپێچی پەروەدگارمان . 

وە چەند هۆکارێک هەیە بۆ دوور خستنەوەمان لە خێر و بەرەکەتی ڕمضان کە لەوانەیە زۆرێکمان بێ ئاگا بین لێی ئەویش بریتیە لە : 

1)    خۆ مەشغول کردن بە مۆبایل و کۆمپیوتەر و تۆرە کۆمەلایەتیەکانەوە . 

2)     خۆ مەشغوڵ کردن بە زنجیرە فیلمە دۆبلاژکراوەکان بەهەموو جۆرەکانیانەوە بەتایبەتیش دەبێت وریایی ئەوە بین بەناوی زنجیرەی ئاینیەوەیە و فریوی پێ نەخۆین . 

3)    وریایی زمان و ئەندامەکانی لاشەمان بین ، بەهەموو لاشە بەڕۆژووبین ئەویش لە خۆپاراستن لە تاوان و سەرپێچی پەوەردگار وەکو غەیبەت و دووزمانی و سەیرکردنی نامەحرام و درۆکردن و ئازاردانی موسڵمانان . 

4)    خۆ بەدوور گرتن لە هەموو جۆرە بیدعە و داهێنراوێک ، چونکە لەوانەیە ئاشکرا و ڕوون بێت کە غەیبەت و سەیرکردنی نامەحرەم .. هتد حەرامە و دروست نیە ، بەڵام شەیطان لەڕیگای بیدعە و داهینراوەکانەوە ئەجر و پاداشتی ڕەمەزانمان لەدەست دەربکات .

خوای پەروەردگار یارمەتیمان بدات بۆ تەواو کردنی و بەڕیکردنی ئەم مانگە پیرۆزە و بەڕیزە بەو جۆرەی خۆی لیی ڕازیە .