پەڕەی زانا سلیم کەلاری

  چەند کارێک کە پێویستە لە فێرخوازانی زانستی شەرعیدا هەبێت . .... ئەم چەند خاڵێکی گرنگ و پێویستە بۆ هەر کەسێک بیەوێت فێر خوازی زانستی شەرعی بێت بەهیوای سوود وەرگرتن لێی : ١- دوعا و پاڕانەوە لە پەروەردگار . ٢- نیەتی پاکی لە بۆ ئامانجەکەی . ٣- دەرکەوتنەوە لە تاوان. ٤- خوێندنەوەی ژیانی زانایان . ٥- خوێندنەوەی هەندێک کتێبی تایبەت بەئادابی فێرخوازی زانستی شەرعی . ٦- تێکەڵاوی کردنی کەسانێکی تایبەت مەند لە تێگەیشتن و خوێندنەوە و دەرخکردندا. ٧- تێکۆشان لەگەڵ نەفسدا و بێ ئومێد نەبوون . ٨- ڕێک خستنی کاتەکان . ٩- دوبارە کردنەوە و پێداچوونەوەی ئەوەی لەبەر کراوە . ١٠- بڵاوکردنەوەی زانست . ١١- زۆر سوپاس کردنی پەروەردگار لەسەر فێربوونی هەر زانستێک . ١٢- گێڕانەوەی فەزڵ بۆ ئەوەی کەسەی زانستت لێوە وەرگرتووە . ١٣- ئاگادار بوون لە خۆ دەرخستن و پێشی مەجلیسگرتن . ١٤- سەیر کردنی بارودۆخی دەوروبەر و هاوڕێکان بۆ پەند وەرگرتن لێیان . ١٥- زۆر خوێندنەوەی قورئان بۆ ئەوەی بەرەکەت بکەوێتە کاتەکانەوە. والله أعلم زانا سلیم کەلاری ١٩-١١-٢٠٢٠

  باشترین هۆکار بۆ چەسپاندنی علم و زانست لە دڵدا و پاراستنی بریتیە لە کردەوە پێکردنی . شاعیرێک دەڵێت : لذاك قيل العلم يدعوا العملا إنْ يُلِفْه قرَّ وإلا ارتحلا واتا : هەربۆیە وتراوە علمو زانست بانگی کردەوە دەکەن ، ئەگەر کردەوە وەڵام بداتەوە و لەگەڵیا بێت ئەوا ئەویش جێگیر دەبێت ئەگەرنا علمەکەش کۆچ دەکات و دەڕوات .

  يەکێک لەوتە جوانەکان . ..... پێشەوا ثەوری رەحمەتی خوای لێ بێت دەفەرمووێت : سەیرم دێت لەکەسێک هاوڕێکەی دەناسێت بە خۆشەویستی و دڵسۆزی و هیچ لەدەربارەی نازانێت تەنها خێر نەبێت بۆ ماوەی پەنجا ساڵ ، پاشان کەسێک دێت کە نەناسراو دێت هەواڵێکی خراپی پێدەدات دەربارەی هاوڕێکەی ، قسەی ئەو کەسە نەناسراوە وەردەگرێت و پشت دەکات لە زانیاری و ناسراویەکەی خۆی . ..... أنساب الأشراف (١١/٣١٤)

  دوو هەڵە لەڕێگای زانست خوازیدا. .... هەڵەی یەکەم : خوێندنی زانست بەبێ چاوساغ و مامۆستا . وەکو وتراوە : "من دخل في العلم وحده خرج وحده" واتا : هەرکەسێک بەتەنها بچێتە ناو خوێندنی زانستەوە ئەوا هەر بەتەنها دەردەچێت . واتا : زانست و زانیاری فێر نابێت . ئەمەش بە ڕەهایی نیە بەڵکو زۆرینەیە. "" هەڵەی دووەم : بەزاندنی سنورەکانی زانایان لە خوێندنی زانستدا . بەزاندنی سنورەکانی خوێندن بە ڕەچاو نەکردنی پلەبەندی یاخود ئەرک زۆر دروست کردن بەزۆری وانەکان و بەرنامەکانی خوێندن بە مەبەستی ئەوەی زووترین کات هەموو زانستەکان فێر ببێت . وەکو وتراوە : "من دخل في العلم جملة ، خرج منه جملة " واتا : هەرکەسێک بیەوێت هەموو زانستەکان پێکەوە بخوێنێت ئەوا هەموو زانستەکان پێکەوە بەجێ دەهێڵێت . ئیمامی مالک دەفەرمووێت :(ما أكثر أحد قط فأفلح ) واتا: هیچ کەسێک نیە هەڵپەی زیاتری کردبێت و سەرفەراز بووبێت . ابن هبيرة دەفەرمووێت : (من آفة التعليم اكثاره حتى تعجز القلوب عن أن تعيه) واتا : لە ئافاتەکانی فێربوون بریتیە لەوەی کە زۆر فێر بیت بەجۆرێک کە دڵ نەتوانێت تێی بگات .

  ساردبوونەوە لە طلبی علمدا .... پێشەوا ابن القیم بەڕەحمەت بێت دەفەرمووێت : (فالطالب الجاد لابد أن تعرض له فترة ، فيشتاق في تلك الفترة إلى حاله وقت الطلب والاجتهاد) واتا : فێرخوازی جدی هەر دەبێت ساردبوونەوەی بەسەردا بێت ، لەو ساردبوونەوەدا ئارەزووی ئەو ساتانەی خۆی دەکات کە طلبی علمی کردووە و هەوڵ و ماندووبوونی داوە . ... مدارج السالكين

  وێنەی زانست ... ئیمامی ئیبن القیم بەڕەحمەت بێت دەفەرمووێت : " لَو صُوِّرَ العِلمُ صُورَةً لَكَانَت أجمَل مِن صُورَةِ الشمس والقَمَر! " واتا : ئەگەر زانست وێنە بکرایە ئەوا جوانتر دەبوو لە خۆر و مانگ .